طريقه عمل ( رز باللبن والمانجا، مربى الفراوله ،المهلبيه ،مهلبيه النوتيلا، ام على،العاشوراء )

المقادير:-
80جرام من حليب جوز الهند
2/1 كوب رز
رشه صغيره ملح
3 معالق كبيره سكر
بندق مجروش للتزيين
(مكونات بيوريه المانجا ):-
2حبه مانجا كبيره
2معلقه كبيره سكر
2عصير ليمون
#طريقه التحضير :-
يغسل الرز جيدا بالماء الجارى ثم يترك فى المصفى حتى يجف ،يسكب حليب جوز الهند فى اناء صغير ويضاف اليه الرز والملح والسكرونقلب المكونات جيدا ،يوضع الخليط على نار متوسطه حتى يصل لمرحله الغليان ،تخفض الحراره ويترك مده 25 ل35 دقيقه حتى ينضج تماما،نحضر قطع المانجو ونضعها فى الخلاط ونضيف عليها السكر وعصير الليمون وتخلط المكونات جميعها جيدا ،يوضع الرز فى كاسات للتقديم ويوضع فوقه بيوريه المانجا ويترك ليبرد تماما ثم يوضع فى التلاجه ويزين بالبندق المجروش وبالهنا والشفا.
(((طريقه عمل مربى الفراوله ))):-
المقادير:-
1كيلو فراوله
4 كوب سكر
1/4 كوب عصير ليمون
#طريقه التحضير:-
اطحنى الفراوله فى اناء  غويض لغايه ما يبقى عندك اربع اكواب فراوله مطحونه، اخلطى الفراوله والسكر وعصير الليمون فى اناء غويض ،قلبيها على نار هاديه لحد السكر ما يدوب ،زودى النار لحد السكر ما يغلى،وقلبيها كل شويه ،حطيها بعد كده فى برطمانات بس ما تمليهاش على الاخر واقفليها كويس.
@طريقه عمل المهلبيه :-
هالمقادير:-
1كيلو لبن
1كوب سكر
3 فانيليا
4 معالق كبيره نشا
جوز هند ومكسرات حسب الرغبه
#طريقه التحضير:-
احضرى وعاء مناسب وضعى فيه اللبن والسكر والفانيليا وقلبيهم جيدا وتستطيعى زياده كميه السكر حسب رغبتك،ثم ضيفى النشا وقلبى جيدا . بعد ذلك ارفعى المزيج على النار،وقلبى جيدا وفى اتجاه واحد حتى يصبح المزيج سميكا ،احضرى الاطباق المجهزه لذلك ثم ضعى المهلبيه وقومى بتزيين الوجه بجوز الهند والمكسرات ،دعى المهلبيه تبرد ثم ضعيها فى الثلاجه وتقدم بارده وبالهنا والشفا.
((((مهلبيه النوتيلا)))):-
المقادير:-
كاسين حليب طازج
2 معلقه كبيره نشا
3 معالق سكر
3معالق نوتيلا
رشه فانيليا
للزينه:-
انصاف شيكولاته فيريرو روشيه
مكسرات(لوز)
#طريقه التحضير:-
تخلط جميع المكونات مع بعض على البارد ثم توضع على النار الى ان تثقل وترفع على النار،وتسكب فى كاسات التقديم ،ثم تترك لتبرد لتعادل درجه حراره الغرفه ثم تغلف بالنيلون ،ثم ندخلها الثلاجه الى ان تبرد تماما ،ثم نزينها بشرايح اللوز،وتزين بانصاف شيكولاته فريروروشيه وتقدم وبالهنا والشفا.
(((طريقه عمل ام على ))):-
المقادير:-
طبقه من ورق الجلاش
كيلو لبن
كوب من القشطه
ثلاث معالق سمنه
نص كوب سكر
#طريقه التحضير:-
نقطع الجلاش لقطع صغيره ثم نحمر قطع الجلاش فى السمن الى ان يصبح لونها اصفر، نقلب السكر فى اللبن ،نحضر صنيه ونضع فيها الجلاش المحمر ثم نضع فوقه اللبن المذاب فيه السكر ثم نضع القشطه على الوجه ،ندخل الصنيه الفرن لمده نص ساعه وعندما تخرج تكون طريه الى حد ما وبالهنا والشفا.
(((طريقه عمل العاشوراء ))):-
المقادير :-
نص كيلو قمح
كيلو ونص لبن
5معالق كبيره نشأ
سكر حسب الرغبه
فانيليا
قشطه أو كريمه
طريقه التحضير :-
انقعى القمح قبل السلق لمده ساعتين ثم اغسليه بالماء جيدا واسلقيه فى الماء على النار، اغلى اللبن ثم ضعى القشطه أو الكريمه على النار ثم ضعى القمح وقلبى بإستمرار،ثم ضيفى السكر حسب الرغبه ثم الفانيليا وقلبى مره اخرى، ذوبى النشا فى قليل من الماء ثم يضاف إلى القمح مع التقليب المستمر  حتى يثقل القوام ارفعيه من على النار،ثم يوضع فى أطباق التقديم ويزين بالمكسرات والزبيب وجوز الهند وبالهنا والشفاااا. 

إرسال تعليق

1 تعليقات

Emoji
(y)
:)
:(
hihi
:-)
:D
=D
:-d
;(
;-(
@-)
:P
:o
:>)
(o)
:p
(p)
:-s
(m)
8-)
:-t
:-b
b-(
:-#
=p~
x-)
(k)