طريقه عمل (براونيز الشيكولاته ،مافن الشيكولاته ، الشيكولاته الجيرسى ، مشروب الهوت شوكليت)

براونيز الشيكولاته

¥المقادير :- 

☆3بيضات
☆فانيليا
☆معلقتين كبار زبده
☆3/4 كوب دقيق
☆3/4 كوب سكر
☆معلقتين كبار كاكاو خام
☆1/2كوب شيكولاته خام بتسيحيها فى الميكرويف او فى حمام ماء

¥طريقه التحضير :- 

نسيح الشيكولاته هتبقى وهى سايحه نص كوب اواكتر شويه ونسيح معاها الزيده،نضرب فى الخلاط البيض والفانيليا كويس قوى وبعدين نضيف السكر ونضرب وبعدين الشيكولاته والزبده ، وبعدين الكاكاو الخام ونضربهم كويس ، فى الاخر هنضيف الخليط للدقيق ونقلبهم مع بعض بمعلقه خشبيه ،الخليط بيبقى ثقيل شويه ده العادى ، وبعدين نحط الخليط فى صنيه مدهونه مقاس 24 ومدهونه زبده ومرشوش فوقها زبده او مغلفه بورق الزبده ، ونخبزها فى الفرن سبق تسخينه على درجه حراره 180 لمده 20 دقيقه لغايه ما السكينه تطلع مش نضيفه قوى ، المفروض تبقى رطبه شويه فى النص عشان متبقاش ناشفه ، والطبقه اللى من فوق بتبقى مكسره ومقرمشه شويه وبالهنا والشفا.

☆ثانياً :-طريقه عمل مافي الشيكولاته :-

مافن الشيكولاته 

¥المقادير :- 

☆ 3كوب دقيق
☆ 3 معالق كبيره كاكاو خام
☆كوب ونص سكر بودره
☆3معالق صغيره بيكنج بودر
☆كوب ونص لبن
☆ 3/4كوب زبده
☆200جرام شيكولاته خام مجروشه
☆2بيضات
☆فانيليا

¥طريقه التحضير :- 

نخلط المكونات الجافه معا الكاكاو الخام والدقيق والبيكنج بودر، فى الخلاط نخفق السكر مع الزبده حتى يصبح الخليط هش ثم ننزل بالبيض الواحده تلو الاخرى ونضربهم جيدا ثم نضع الفانيليا ثم اللبن ونضربهم جيدا ، ثم نضع المكونات السايله على خليط الدقيق والكاكاو ونقلبهم جيدا بملعقه خشبيه ثم نضع الشيكولاته المجروشه ونقلب مره اخرى ثم نحضر صنيه الكب كيك ونضع فيها الاكواب الورقيه ثم نصب الخليط فى قوالب الكب كيك وندخلها الفرن على درجه حراره 180 لمده 20 دقيقه وبالهنا والشفا.

☆ثالثاً :- طريقه عمل الشيكولاته الجيرسى :-

-هقولكم على طريقه سهله وبسيطه نعمل بيها الشيكولاته الجيرسى اللذيذه .

طريقة عمل الشيكولاته الجيرسى

الشيكولاته الجيرسى 

¥المقادير :- 

☆150جرام زبده
☆250جرام قشطه
☆150 ل200 جرام سكر
☆300جرام جوز هند مبشور

هنسيح الزبده علر النار وهنحط عليها القشطه ونقلب حتى تذوبان سويا، هنضيف السكر ونقلب حتى يذوب المزيج ثم نضع جوز الهند المبشور ونقلب جيدا ، ثم نفرد الخليط فى صنيه مغطاه بورق الزبده ونسوى السطح حتى يكون السمك واحد فى كافه الجوانب ،توضع الصنيه فى الثلاجه او الفريزر لمده تلات ساعات حتى تتماسك ،  يتم اخراجها من التلاجه وتقطيعها الى الحجم المطلوب ، يتم اذابه الشيكولاته فى حمام ميه ، يتم تغطيه قطع جوز الهند بالشيكولاته السايله ووضعها فى صنيه مغلفه بورق الزبده، توضع فى الثلاجه الى ان تتماسك وبالهنا والشفا.

☆رابعاً :- الهوت شوكليت اللذيذ :- 


طريقة عمل الهوت شوكليت اللذيذ

الهوت شوكليت اللذيذ 

¥المقادير :- 

كوب كريمه سايله
كوب شيكولاته مبشوره
لتر لبن مغلى
سكر حسب الرغبه
ربع معلقه فانيليا

¥طريقه التحضير :- 

فى وعاء مناسب بنحط الكريمه على النار واول ماتسخن هنحط الشيكولاته المبشوره ، ونقلبها لغايه ماتدوب وبعدين هنحط  اللبن المغلى والفانيليا ونقلبهامع بعض لغايه المكونات ماتختلط مع بعض ، هنحليها حسب الرغبه ،  تصب الشيكولاته الساخنه فى اكواب التقديم وتزين بالكريم شانتيه والكاكاو بودره وقطع المارشميلو وبالهنا والشفا .

-شاهد أيضاً :- طريقه عمل الكيك اليابانى المذهل والمولتن كيك. 





إرسال تعليق

0 تعليقات