طريقه عمل( فطائر الدجاج، الفطير المشلتت بالجلاش )

فطائر الدجاج

{ المقادير }:- 

☆ 2ونص كوب دقيق
☆كوب ونص ماء دافئ للعجن
☆1معلقه كبيره خميره
☆1/4كوب زبده طريه
☆1/2معلقه صغيره سكر
☆1/2معلقه صغيره بيكنج بودر
☆رشه ملح

{ الحشو }:- 

☆1/2كيلو جرام صدور فراخ مقطعه شرايح
☆2جزره متوسطه الحجم مبشوره
☆بصله متوسطه مقطعه شرايح رفيعه
☆كوب فلفل الوان مقطع شرايح
☆1/4كوب زبده سايحه
☆2معلقه كبيره زيت
☆3/4معلقه كبيره سماق
☆1/2معلقه صغيره ثوم بودر
☆ملح وفلفل اسود
☆رشه جوزه الطيب

{ طريقه التحضير }:-

فى وعاء ضعى نص كوب ماء دافئ والسكر والخميره ، ثم قلبيه جيدا واتركيه فى مكان دافئ لمده ربع ساعه ،فى وعاء اخر  ضعى كل المقادير ماعدا الماء ثم ضعى خليط الخميره واعجنى جيدا ،اضيفى الماء تدريجيا حتى يتكون معنا عجينه متماسكه ولينه ،غطى الوعاء بفوطه نظيفه ثم اتركيه ليختمرلمده ساعه ، تبلى الفراخ بالملح والفلفل والسماق ثم اتركيه فى الثلاجه لمده نص ساعه ، سخنى نص كميه الزيت وشوحى البصل حتى يذبل ،اضيفى الفلفل الملون والجزر المبشور ثم ضعى الفلفل الاسود والملح وبودره الثوم وقلبى جيدا ،على نار متوسطه سخنى كميه الزيت المتبقيه وحمرى فيها الفراخ حتى يتغير لونها غطى القدر واتركيه ليستوى على نار هاديه لمده من 30 ل40 دقيقه.
 اضيفى خليط الخضار وقلبيه جيدا، ثم اتركيه جانبا ليبرد ،سخنى الفرن على درجه حراره 200، ثم افردى العجين بالنشابه وقطعيه بالسكينه على شكل مستطيلات  متوسطه الحجم ضعى حشو الفراخ فى الوسط ثم غطيه او ضعى فوقه عجينه اخرى على شكل مستطيل ،اغلقى الاطراف جيدا ثم اصنعى بعض الفتحات بالشوكه ، رصى المستطيلات فى صنيه عليها ورق زبده ، ثم غطيها بفوطه واتركيها فى مكان دافئ لمده 20 دقيقه ، ادهنى وجه المستطيلات بالزبده السايحه وادخليها الفرن لمده من 20 ل25 دقيقه حتى يصبح لونها ذهبى وبالهنا والشفا .

ثانياً :- طريقه عمل الفطير المشلتت بالجلاش :-


الفطير المشلتت بالجلاش 

{ المقادير } :- 

☆لفه جلاش
☆سمنه سايحه
☆كوبايه زبادى
☆ربع كوبايه زبده
☆معلقتين كبار قشطه
☆معلقتين كبار لبن
☆نص معلقه صغيره بيكنج بودر

{ طريقه التحضير } :- 

هتخلطى الزبادى والزبده والقشطه واللبن والبيكنج بودر مع بعض كويس جدا لغايه ما يبقى معانا خليط متجانس ، هنجيب صنيه مدوره وهندهنها سمن وهتفردى الجلاش ورقه ورقه ، هندهن كل ورقه بالخليط اللى عملناه وهكذا لغايه مانخلص كل كميه الجلاش ، وبعدين هندهن الوش برضه بالخليط اللى عملناه ،
بتسخنى الفرن على درجه حراره 180 ، هندخل فطيره الجلاش وهنسيبها لغايه ما الوش يحمر ، هنرش على الوش شويه رشه ميه خفيفه، وهنجيب معلقه قشطه كبيره وهندهن بيها الوش ونغطى الصنيه لغايه ماتبرد عشان تحتفظ بالرطوبه بتعتها وتفضل طريه وبالهنا والشفا.

-طريقه أخرى لعمل الفطير المشلتت :-

{ المقادير } :- 

☆3كوب دقيق
☆1كوب ماء
☆معلقه صغيره ملح
☆معلقه صغيره سكر
☆زبده سايحه او سمن عادى او سمن بلدى

{ طريقه التحضير }:- 

نخلط الدقيق والملح والسكر ، بعدين ننزل بالماء تدريجيا ونعجن حتى تصبح معنا عجينه لينه متماسكه ، تترك العجينه15 دقيقه حتى ترتاح ، ثم تقطع لكور متوسطه الحجم ،تفرد كل عجينه على سطح مرشوش بالدقيق ، تفرد كوره العجين الواحده لفطيره كبيره جدا جدا ثم ندهن الوجه بالزبده السايحه ثم تطبق وندهن الوجه مره اخرى بالزبده السايحه ثم تلف وتبرم وتدهن مره اخرى بالزبده ، ثم تفرد باليد على شكل فطيره متوسطه الحجم والوجه مدهون بالزبده ، تترك 15 دقيقه حتى ترتاح ، ثم نقوم بدهن صنيه فرن بالسمن او الزبده ثم ندخلها فرن سبق تسخينه على درجه حراره عاليه حتى يحمر الوجه وبالهنا والشفا ، معلومه مهمه كلما زادت الزبده كلما زادت طراوه الفطير وبالهنا والشفا.

-شاهد أيضاً :- طريقه عمل خليه النحل والسينابون وفطائر الجبنه.

إرسال تعليق

0 تعليقات