طريقه عمل (حمام محشى فريك ، فراخ محشيه فى كيس حرارى ،البط المحشى)

{ المقادير } :- 

<  عدد 2 حمامه متنضفه ومغسوله كويس
<  1/2 كوب فريك او رز حسب الرغبه
<  2بصله مقطعه
<  ملح وفلفل
<  بهارات (جنزبيل ، قرفه جوزه الطيب، كبايبه صينى،قرنفل ، حبهان مطحون ) 1/2 معلقه من كله.
<  سمنه

{ طريقه التحضير } :- 

هنغسل الرز كويس جدا ونسيبه ينشف ولو هنستخدم فريك هنغسله وبعدين ننقعه غى الميه مده نص ساعه وبعدين نشطفه بالميه كويس ونسيبه ينشف ، فى طاسه على النار هنحمر البصل فر معلقتين سمن وبعدين ننزل بالفريك او الرز ونقلب كويس وبعدين ننزل بالملح والفلفل والجنزبيل والقرفه وجوزه الطيب والكبايبه الصينى والقرنفل والحبهان المطحون ، ونقلبهم كويس بعدين هننزل بالميه ، هنسوى الرز او الفريك نص سوى ،وبعدين هنحشى الحمام حتى الرقبه ونكتف الرجلين ، هنحط الحمام فى حله بها ماء مغلى وحبهان وورق لورا ومستكه وكرفس وبصله صغيره وفلفل اسود حب وملح ، هنسيب الحمام لغايه مايستوى وبعدين هنحمره فى السمن وبالهنا والشفا.

ثانياً :- طريقة عمل فراخ محشيه رز فى الكيس الحرارى :- 


{ المقادير } :-

<  فرخه كيلو ونص
<  بصله
<  سمن
<  السبع بهارات
<  أرز
<  مرقه دجاج 
<  كيس حرارى
<  2 حبه طماطم
<  1بصله كبيره الحجم 
<  2 حبه جزر
<  2 كوسه
<  ملح وفلفل أسود 

{ طريقه التحضير } :- 

خلطه الارز :- هنحمر بصله فى معلقتين سمن وبعدين هننزل بالبهارات ( الملح والفلفل الاسود والحبهان المطحون والجنزبيل المطحون والكبايبه الصينى والقرفه ) هنقلبهم شويه وبعدين ننزل بالكبد والقوانص ونسيبها لغايه ماتنزل ميتها وبعدين نسيبها لغايه ماتستوى ونحطها فى الاخر مع الرز .
رز الحشوه :- فى حله على النار هنحمر بصله واول تدبل هننزل بالرز ومرقه الدجاج هنقلبهم كويس وبعدين هنحط معلقه زيت لكل كوب رز ، بعدين هننزل بالميه ونسيبها تغلى واول ما الرز يتشرب الميه هنوطى النار وقبل مايستوى بخمس دقايق هنرفعه من على النار وهنضيف عليه الكبد والقوانص وبالهنا والشفا.
الفراخ المحشيه :-هنجيب الفرخه ونحشيها بالرز والخلطه وهنجيب صنيه وكيس حرارى هنحط الفرخه ونحطها داخل الكيس الحرارى ونحط معاها طماطم وبصل وجزر وكوسه متقطعين حلقات ونبهر بالملح والفلفل الاسود ، وهنعمل فتحه فى الكيس من فوق ، وهنضع ماء ساخن فى الصنيه حول الكيس وندخلها الفرن لحين الاستواء وبالهنا والشفا.

ثالثاً :- طريقة عمل بط محشى فريك :-

{ المقادير }:-

<  1بطه حجم وسط
<  2كوب رز مصرى
<  2 بصله
<  150جرام زبده او سمن
<  1معلقه صغيره فلفل اسود
<  2 معلقه صغيره  ملح
<  1معلقه صغيره بهارات
<  1معلقه صغيره كمون
<  حبهان وورق لورا

{ طريقة التحضير } :-

نغسل البطه جيدا ثم نقوم بغسل الرز ، نتبل الارز بالملح والفلفل والبهارات جيدا، فى حله على النار هنشوح بصله مفرومه لغايه ماتدبل وبعدين ننزل بالرز ونقلب كويس وبعدين ننزل بالميه ونسيبها تغلى  واول ما الرز يتشرب الميه هنوطى النار وقبل مايستوى الرز بخمس دقايق هنرفعه من على النار ، هنحشى البطه بالرز لغايه الرقبه وبعدين هنحشيها من جوه ، هنغلق فتحه البطن بجمع الرجليه ونربطها بالخيط ، هنملأ حله بالماء ونضع فيها الحبهان وورق اللورا والكمون والملح والفلفل الاسود و بصله ونسيبها تغلى ، هنحط البطه فى الماء المغلى ونسيبها مده 3 ساعات او حتى الاستواء وده بيتوقف على حجمها ، بعدين هنحمر البطه على النار فى السمن او الزبده ، وممكن ندهنها بصلصه الطماطم (معلقتين صلصه هنخفها بشويه ميه و ملح وفلفل اسود ومعلقه سمنه )ومدخلها الفرن لمده 20 دقيقه وبالهنا والشفااااا.

-شاهد أيضاً : - طريقة عمل اسبيشيال (بالفراخ، السجق ) ، وصنيه بطاطس بالسجق.


إرسال تعليق

0 تعليقات