طريقه عمل محشى الباتنجان والفلفل ، والفراخ البانيه

طريقه عمل محشى الباتنجان والفلفل

محشى فلفل وباتنجان

{ المقادير } :-

<  نص كيلو فلفل رومى
<  كيلو ونص بانجان ابيض وأسود
<  كيلو رز ابيض (حوالى اربع كوبايات)
<  7 حبات طماطم حوالى كيلو
<  2بصله مفرومه
<  معلقتين سمن +معلقتين زيت
<  ثوم وملح وبهارات وشبت وبقدونس وكزبره خضراء
<  1 قرن فلفل اخضر حامى

{ طريقة التحضير } :- 

تغسل الطماطم جيدا بالماء ونضرب فى الخلاط ، تغسل الخضره جيدا وتقطع لقطع صغيره ، يفرم البصل والثوم فرما ناعما ،غسل الارز جيدا بعد التاكد من نظافته ثم نصفيه ، تنضيف قلب الباذنجان الابيض والاسود جيدا ثم غسله بالماء ، ينزع قلب الفلفل ويغسل بالماء ، نحمر البصل فى معلقتين سمن حتى يصفر لونه ثم نضيف الثوم المفروم ونقلب جيدا ثم ننزل بعصير الطماطم والملح والكمون والبهارات والفلفل الاسود ونترك الطماطم حتى تتسبك جيدا وتجف تماما .
 نضع الارز الى الطماطم ونقلبهم جيدا حتى يمتزج الارز مع الطماطم ثم نطفى النار ، ونضيف الكزبره الخضراء والبقدونس والشبت والفلفل المفروم ونحركهم جيدا ، ثم نحضر حله ونضع معلقه زيت فى قاعها ثم نضع شرايح من الجزر او اعواد البقدونس والخضره فى القاع لتجنب حرق المحشى ،ثم نبدا بحشو الفلفل والباذنجان الاسود والابيض ثم نضيف الشوربه حتى تغطى معظم المحشى .
 يمكن استبدال الشوربه بالماء العادى واضافه ملعقه ملح وفلفل اسود ومعلقه زيت على الوجه ،ثم نضع الحله على النار حتى تغلى ثم نوطى النار ونتركه ليستوى على نار هاديه مع الحرص على متابعته من الحين للاخر ، معلومه مهمه تقدرى تستخدمى نفس الخلطه مع محشى الكوسه والطماطم والبصل وورق العنب والكرنب مع اختلاف بسيط بالنسبه لمحشى ورق العنب احنا بنضيف عصير ليمون مع الشوربه او الميه اللى هنحطها للمحشى او ممكن نحط شرايح الليمون على الوش ومنفتحش الحله خالص عشان ورق العنب ما يسودش  وبالهنا والشفا.

ثانياً :- طريقة عمل الفراخ البانيه :-


{ المقادير } :- 

<  1/2كيلو صدور فراخ مقطعه شرايح
<  ملح وفلفل اسود
<  بهارات فراخ
<  توم بودر
<  بصل بودر
<  زعتر ناشف
<  بابريكا
<  بقسماط مطحون
<  2بيضه
<  معلقه كبيره لبن
<  دقيق
<  كوب زبادى

{ طريقة التحضير } :-

هنتبل شرايح الفراخ بالبصل المفروم والملح والفلفل الاسود والبابريكا والزعتر المطحون والتوم البودر والبصل البودر وبهارات الفراخ ، هنخلط التوابل كلها مع كوب الزبادى وبعدين هنزل فيها صدور الفراخ وبعدين نحطها فى الثلاجه على الاقل ساعتين ، هنحضر طبق دقيق وطبق اخر به بقسماط مطحون وبه نفس التوابل اللى فى التتبيله  ، وطبق اخر به البيض مخفوق مع معلقه كبيره لبن ورشه فلفل اسود ورشه ملح، هنزل شرايح الفراخ فى الدقيق ثم البيض ثم البقسماط المطحون وهكذا حتى تنتهى كل الكميه ، ثم نضعها فى الثلاجه مره اخرى مش اقل من ساعه ثم نقوم بتحميرها فى زيت غزير .
ملاحظه يفضل ان تكون شرايح البانيه رفيعه جدا عشان تتاكدى من سواها فى الاول هتحمرى البانيه على نار هاديه عشان تستوى كويس وبعدين هنعلى النار عشان تتقرمش ومتشربش الزيت ، وبالهنا والشفا.وبتنجان

-شاهد أيضاً :- طريقه عمل أشهى وصفات اللحوم. 




إرسال تعليق

0 تعليقات