طريقه عمل (مقرمشات الذره ، مقرمشات الدوريتوس ، مقرمشات المشروم ، بسكوت الشوفان بالزبيب، بسكوت الشيكولاته)

مقرمشات الذرة 

^المقادير :- 

2كوب دقيق ابيض
1كوب دقيق ذره
ربع كوب زيت
بيضه
نص معلقه صغيره ملح
رشه فلفل اسود
معلقه صغيره خميره فوريه او نص معلقه بيكنج بودر
معلقه صغيره مليانه بابريكا
معلقه صغيره ثوم بودر
معلقه صغيره بصل بودر
2معلقه لبن بودر
شطه اختيارى
ربع معلقه صغيره كركم
جبنه رومى مبشوره ناعم
ماء للعجن

^لدهان الوجه:-

( لبن بودره ومعلقه صلصه وشويه ميه)

^طريقه التحضير :- 

نخلط الدقيق الابيض ودقيق الذره والزيت والبيض وكل المقادير معا ونعجنهم حتى تصبح عجينه متماسكه ، هنغطيها ونسيبها تختمر نص ساعه ، اقطعها كور وافردها بنشابه ، لازم سمكها يبقى رقيق وبعدين اقطعها بالسكينه لمثلثات او مربعات حسب الرغبه، وادهن الوجه بخليط اللبن البودره والصلصه وادخلها الفرن من 5ل10 دقايق وبالهنا والشفا.

☆ثانياً :-طريقه عمل مقرمشات الدوريتوس :-

مقرمشات الدوريتوس 

^المقادير :- 

1كوب دقيق ابيض
1/2كوب دقيق ذره
2معلقه زيت
1معلقه صغيره ملح
1معلقه صغيره سكر
رشه كمون
رشه زعتر مجفف
رشه شطه
1معلقه بابريكا
1معلقه توم بودر

^طريقه التحضير :- 

نعجن جميع المقادير معا بماء دافى وتكون العجينه قاسيه ، نغطيها بكيس نايلون ونتركها ترتاح نص ساعه ساعه، تقطع لكور متوسطه ثم نفردها رقيقه ومستديره ، نفردها بالزيت ، وتوضع فى طاسه ساخنه بدون زيت او تحمير لمده دقيقتين عشان تنشف مش تتحمر ، نقلبها على الجهه الاخرى بتكون بيضه زى ماهى بس نشفت شويه ، تقطع مثلثات وتحمر فى زيت غزير لغايه ماتبقى ذهبيه اللون وبالهنا والشفا(منقول)

☆ثالثاً :- طريقه عمل مقرمشات المشروم :-

مقرمشات المشروم 

^المقادير :- 

250 جرام مشروم
تتبيله المشروم
2فص توم
عصير 3ليمونات
ملح وفلفل
شطه حاره

^للتغليف :-

(دقيق ، بقسماط)

^طريقة التحضير :- 

تبلى المشروم لمده نص ساعه ، ثم قطعيه بالسكينه لقطع متوسطه ،غلفى المشروم بدقيق الذره والبقسماط المطحون ، حمرى المشروم فى زيت غزير على نار هاديه وبالهنا والشفا.

☆رابعاً :- طريقه عمل كوكيز الشوفان بالزبيب :-


كوكيز الشوفان بالزبيب 

^المقادير :- 

3كوب شوفان
2كوب دقيق
3/4كوب زيت
1/2كوب عسل ابيض
2معلقه كبيره قرفه
1 معلقه كبيره بيكنج بودر
1معلقه صغيره بيكنج صودا
2معلقه كبيره لبن
2معلقه كبيره ماء
رشه ملح
زبيب

^طريقه التحضير :- 

نضيف الزيت والعسل والقرفه ونقلبهم جيدا، نضع باقى المقادير الجافه ونقلب جيدا ،نلم العجينه بمعلقتين تلاته لبن وماء الى ان يتشكل العجين ،نشكل دواير ونزينها بالزبيب ، نضعها فى صنيه مدهونه سمن وندخلها الفرن على درجه حراره 180 لحد مايبقى البسكويت احمر من تحت نخرجها من الفرن ونتركها تبرد وبالهنا والشفااا.

☆خامساً :-طريقه عمل كوكيز الشيكولاته :- 

كوكيز الشيكولاته 

^المقادير :- 

1كوب دقيق
بيضه
4معالق سكر اسمر
100جرام زبده
2معلقه كبيره سكر
2معلقه كبيره كاكاو
1معلقه صغيره فانيليا
1/2معلقه صغيره بيكنج بودر
1/2معلقه صغيره بيكنج صودا
رشه ملح

^طريقه التحضير :- 

يخلط الدقيق والبيكنج بودر والبيكنج صودا والكاكاو، نضرب فى الخلاط الزبده مع السكر الابيض والسكر الاسمر الى ان يصبح الخليط مثل الكريمه ، ثم نضع البيضه والفانيليا ونضرب جيدا ، ثم نضع المكونات السايله مع خليط الدقيق والكاكاو ونخلط جميع المكونات جيدا ،
نشكل العجين على شكل كورات ونضغط عليها قليلا ثم نزينها بقطع الشيكولاته ونضعها فى صنيه مغلفه بورق الخبز وندخلها الفرن على درجه حراره 180،لمده 12 دقيقه او حتى الاستواء ، ثم نتركها تبرد وتقدم بارده وبالهنا والشفا.

- كدا تقدرى تعملى سناكس صحيه ومفيده لأطفالك ولكل افراد اسرتك فى اى وقت يطلبوه وبكل سهوله ،وبالهنا والشفا. 

إرسال تعليق

0 تعليقات