طريقه عمل (بيتزا الطاسه السريعه ، المينى بيتزا للمدارس والرحلات )

طريقة عمل بيتزا الطاسه

بيتزا الطاسه 

[المقادير ] :- 

☆كوب دقيق
☆معلقه صغيره خميره فوريه
☆رشه ملح
☆معلقه صغيره سكر
☆معلقه صغيره زعتر مطحون
☆معلقه صغيره ثوم بودر
☆معلقه صغيره بصل بودر
☆معلقه صغيره زيت
☆معلقه صغيره بيكنج بودر
☆ماء دافئ للعجن

[ للحشو ] :- 

☆فلفل رومى ألوان متقطع شراب
☆قطع دجاج متقطع صغير أو
☆لحمه مفرومه معصجه (حسب الرغبه )
☆زيتون أسود مخلى ومتقطع حلقات
☆جبنه موتزريلا
☆صلصه البيتزا أو كاتشب

[طريقه التحضير] :- 

فى وعاء كبير هنخلط الدقيق والخميرة الفوريه ورشه الملح والسكر والزعتر المطحون والثوم البودر والبصل البودر والزيت والبيكنج بودر هنخلط كل المكونات دى مع بعض وبعدين هننزل بالميه الدافيه تدريجياً ونحن كويس كويس لغايه ما نحصل على عجينه لينه ومتماسكه، هنجيب طاسه تيفال أو أى نوع طاسه غير لاصقة ويكون ليها غطا لو مش متوفر هتجيبى طاسه عاديه وتدهينيها زيت.
بعدين هتحطى العجينة فى الطاسه التيفال وهنفردها بأطراف صوابعنا لغايه ماتبقى زى الفطير ولازم سمكها يبقى رقيق ورفيع، ولوهنستخدم طاسه عاديه يبقى هنفردها على سطح مرشوش دقيق باستخدام النشابه أو ممكن برضو ا نفردها عن طريق الضغط عليها بأطراف صوابعنا وبعدين هنجيب الطاسه العاديه وندهنها زيت وبعدين نحط عجينه البيتزا .
خلصنا المرحله دى ندخل بقى على مرحله الحشو هندهن البيتزا بالكاتشب أو صلصه البيتزا وبعدين هنحط شرايح الفلفل الالوان وبعدين قطع الفراخ (تكون مستويه) أو اللحمه المفرومه وبعدين الزيتون الأسود وبعدين الجبنه الموتزريلا هنغطى الطاسه بالغطا بتاعها ونضعها على نار هاديه لمده عشر دقايق إلى ربع ساعه بالكتير، بعدين هنطلعها ونحط على الوش الكاتشب،  وبالهنا والشفا.

[ صوص البيتزا ] :-

بالنسبه للناس اللى متعرفش تعمل صوص البيتزا هقولكم على الطريقه هنشوح فصين ثوم فى معلقه سمن وبعدين هننزل بعصير الطماطم ومعلقه صلصه ونحط ملح وفلفل أسود وبهارات زعتر مطحون وريحان ناشف وبصل بودروثوم بودر وبعدين هسيبها لما تغلى وتتشرب كل الميه يعنى تبقى عامله زى الصلصة مفيهاش ميه خالص عشان البيتزا متعجنش وبالهنا والشفا.

☆ثانياً :-عمل مينى بيتزا للمدارس والرحلات :-

مينى بيتزا


[المقادير]:-

☆1 كيلو دقيق
☆2 معلقه كبيره خميره فوريه
☆2 معلقه كبيره سكر
☆نص معلقه كبيره سكر
☆معلقه كبيره زعتر ناشف
☆4معالق كبار زيت
☆ماء دافئ للعجن (يمكن استبداله باللبن)

[ مقادير الصلصة ] :- 

☆نص كيلو طماطم
☆معلقه صغيره سكر
☆معلقه صغيره ملح
☆زعتر ناشف
☆بابريكا
☆ملح فلفل أسود
☆معلقه كبيره ثوم مفروم
☆2 معلقه زيت

[ للحشو ] :- 

☆فلفل أخضر متقطع
☆زيتون أسود مخلى ومتقطع حلقات
☆جبنه موتزريلا
☆أى نوع لحوم فراخ أو لحمه مفرومه( حسب الرغبه)

[طريقه التحضير] :- 

فى وعاء كبير هنخلط الدقيق مع الخميرة الفورية والسكر والملح والزعتر الناشف والزيت وهنفركهم كلهم مع بعض كويس، وبعدين هننزل بالماء الدافئ تدريجياً ،يمكن استبدال الماء باللبن عشان تكون مغذيه ومفيده أكتر، هنعجن كل المكونات دى مع بعض كويس جداً لغايه لما يبقى معانا عجينه لينه ومتماسكه ،هنغطيها كويس ونحطها فى مكان دافئ عشان تختمر لمده ساعه كامله، بعدين هنقطعها على شكل كور متوسطة الحجم، وبعدين هنمسك كل واحده من الكور وهنفردها بالنشابه لبيتزا كبيره وبعدين هنجيب قطاعه العجين ونقطعها لبيتزات صغيرة الحجم .
فى حال عدم توافر قطاعه العجين ممكن نستخدم أى كوبايه عندنا ونستخدمها فى عمل المينى بيتزا بدل قطاعه العجين ، يفضل أنك تعمليها بيتزا كبيره شويه مش صغيره قوى عشان تكون مشبعة للأولاد والكبار وكمان عشان تقدرى تحطى عليها الحشوه اللى انتى عاوزاها ،  بعد ماانتهينا من تشكيل العجين لبيتزات صغيره فى الحجم ، هنعمل الصلصة وهى كالتالى هنحمر الثوم المفروم فى سمن أو زبده وبعدين هننزل عليه بعصير الطماطم والسكر وبعدين الملح والبهارات .
هنسيبها تتسبك وتشرب كل الميه اللى فيها عشان البيتزا متعجنش وبعدين هنسيبها لغايه لما تبرد تماما، أول ماتبرد هندهن وش البيتزا بصوص الطماطم وبعدين هنحط الحشو الفلفل المتقطع وأى نوع لحوم متوفر شرط أنه يكون مستوى وبعدين هنحط الزيتون وبعدين هنرش الجبنه الموتزريلا على الوش، هندخلها الفرن على درجه حراره متوسطه لمده من 10 ل15 دقيقه ،وبعدين نطلعها من الفرن،( معلومه مهمة ممكن نستبدل صوص الطماطم بالكاتشب الجاهز) وبالهنا والشفا.

-شاهد أيضاً :- طريقه عمل فطائر السجق. 





إرسال تعليق

0 تعليقات