طريقة عمل( كنافة بالمانجا ، الكنافه بالموز والقشطه، والكنافه النابلسيه )

طريقة عمل( كنافة بالمانجا ، الكنافه بالموز والقشطه، والكنافه النابلسيه  )


■المقادير :- 

☆نص كيلو كنافة متقطعه صغير جدا
☆2معلقه كبيره سكر بودره
☆كوب سمنه أو زبده سايحه
☆شربات ثقيل بارد
☆كريم شانتيه
☆مانجا متقطعه مربعات
☆كريم شانتيه
☆كريز

■طريقه التحضير :- 

بنضيف السكر على الكنافه، وأقلبهم كويس بعدين هنضيف السمنه وامزجها كويس بالكنافه،بعدين هنحطها فى صنيه مدهونه سمن ونضغط عليها كويس قوى ونساوى سطح الكنافه، ندخلها الفرن لغايه ماتاخد اللون الدهبى،وأول ماتطلع من الفرن هنحط عليها الشربات البارد مباشرة،بعدين نسيبها تبرد تماماً، بعدين هنحط على الكنافه طبقه من كريمه الخفق وعليهاقطع المانجا  ونزينها بالكريم شانتيه والكريز ورشه فسق حلبى مطحون،ممكن نقدم الكنافه بالمانجا فى كأسات هنحط فى أسفل الكاسات الكنافه بعدين كريمه الخفق بعدين قطع المانجا و بعدين هنرجع تانى نحط كنافة وبعدين كريمه وبعدين كريمه وبعدين قطع المانجا وعليها رشه فستق حلبى مجروش،وبكده تكون جاهزة للتقديم تقدم بارده  وبالهنا والشفا.

ثانياً :- طريقه عمل كنافه بالموز والقشطه :-

كنافه بالموز والقشطه 

■المقادير :- 

☆كيلو كنافة
☆كوب سمن أو زبده سايحه
☆6 ثمرات موز متقطعه قطع دائرية
☆2كوب سكر
☆نص كيلو قشطه أو كاستر
☆فستق أو بندق مجروش للتزيين
☆شربات أو قطر التحليه

■طريقه التحضير :- 

نفرك الكنافه جيدا حتى تقطع تماما،توضع الكنافة على النار وتقلب مع الزبده لمده خمس دقايق،تدهن الصنيه بالسمن وتوضع نصف كميه الكنافه ثم قومى بالضغط عليها باليد جيدا، ثم توضع القشطه وعليها قطع الموز ،توضع باقى كمية الكنافه وقومى بالضغط عليها بيدك ضغطه خفيفه، توضع الصنيه فى الفرن على درجه حراره من 180 ل 200 درجه مئوية لمده نصف ساعه أو حتى يحمر الوجه،ثم  تسقى بالشربات البارد فور خروجها من الفرن، وبالهنا والشفا.

رابعاً :- طريقه عمل كنافه نابلسيه :-

■المقادير :- 

☆ 1كيلو كنافه ناعمه
☆1كيلو جبنه نابلسيه غير مملحه
☆كوب سمن

للشربات :- 

☆3كوب سكر
☆2كوب ماء
☆عصره ليمونه
☆فانيليا

■طريقه التحضير :- 

نضع الكنافه بعد تفتيتها لقطع صغيره فى صنيه على النار ونشوحها مع الزبده أو السمن لمده20 دقيقه،نضع ثلثى الكنافه فى صنيه مدهونه سمن ونقوم بتسويتها باليد ثم نضع الجبنه وفوقها بقيه الكنافه ونضغط عليها باليد ضغطه خفيفه لتسويتها  ،ثم نضع الصنيه فى الفرن على درجه حراره متوسطه لمده 20 دقيقه، ثم نقلبها وندخلها الفرن مره اخرى لمده عشر دقايق بعد أن نخرجها من الفرن نسقيها بالشربات وتقدم بعد أن تبرد قليلا وبالهنا والشفا.
النهارده قدمتلكم طرق جديده ومتنوعه لعمل الكنافه زى الكنافه بالمانجا وكريمة الخفق وكمان الكنافه بالموز والقشطه ،وكمان قدمتلكم الكنافه النابلسيه ودى مشهوره فى فلسطين وبلاد الشام وكمان تركيه هى وصفه قديمه ومن التراث الشامى، تقدروا تعملواها بكل سهوله وتستمتعوا بتناول الكنافة بطرق مختلفة ومتنوعه وبالهنا والشفا.

-شاهد أيضاً : -طريقه عمل جلاش محشى  بسميد البسبوسه. 




إرسال تعليق

0 تعليقات