طريقه عمل( جلاش باللحمه المفرومه ، السمبوسة المقليه، سمبوسة فى الفرن )

جلاش باللحمه المفرومه 

☆المقادير :- 

>1لفه جلاش
>نص كيلو لحمه مفرومه
>1 بصله مفرومه
>سمن أو زبده
>1جزره مبشوره (أختيارى )
>ملح وفلفل أسود
>بهارات لحمه
>قرفه وجوزه الطيب وزعتر
>1كوب لبن
>1 بيضه

☆طريقه التحضير :- 

هنحمر البصل المفروم فى معلقتين سمن أو زبده، لغايه ما يدبل البصل وبعدين هنضيف اللحمه المفرومه وهنشوحها كويس جداً وبعدين نضيف الملح والفلفل الأسود والقرفة والزعتر وجوزه الطيب والجزر المبشور ونقلب جيدا ، وتترك اللحمه المفرومه حتى تمام النضج ممكن نضيف شويه ميه سخنه فى حاله إذا كانت اللحمه محتاجه سوى زياده ، نحضر صنيه مدهونه بالقليل من السمن ،بعدين نفرد ورق الجلاش ومابين كل ورقتين تدهن سمن وهكذا حتى ننتهى من وضع نص كميه الجلاش تقريبا ثم نضيف اللحمه المفرومه ونفردها كويس ،ثم نكرر فرد بقيه طبقات الجلاش ودهن السمن بعد كل ورقتين حتى ننتهى من وضع الكمية بأكملها، هندهن وش الصنيه بالسمن ثم تقطع بالسكين لمربعات أو حسب الشكل المناسب ليكى، يضرب البيض مع اللبن والقليل من الملح والفلفل الأسود ثم يرش على وجه الصنيه وندخلها الفرن على درجه حراره متوسطه وحتى يحمر وجهها وبالهنا والشفا .

☆ثانياً :- طريقه عمل السمبوسة :-

السمبوسة المقليه

☆المقادير :- 

>علبه من عجينه السمبوسة الجاهزه
>150 جرام من جبنه فيتا
>1/2 معلقه صغيره من الفلفل الحلو
>1/2كوب من الزيت
>1/4 كوب من البقدونس المفروم
>100 جرام من جبنه شيدر

☆طريقه التحضير :- 

نضع جبنه فيتا فى طبق عميق ونقوم بهرسها بواسطة شوكه أو معلقه ثم نضيف الجبنه الشيدر والبقدونس المفروم ونخلط المكونات مع بعض كويس جدا، ثم نحضر ورق السمبوسة ونقوم بحشو كل ورقه من السمبوسة بالقليل من حشوه الجبنه  ،تطبق جوانبها ونغلفها باصابعنا ،ونكرر العمليه حتى تنفذ الكميه بالكامل ،نقوم بتحمير السمبوسة فى زيت عميق وساخن،ننتشل السمبوسة من الزيت بعد أن تأخذ اللون الذهبي ثم نضعها على مناديل الورقيه للتتشرب الزيت ، ثم نضعها فى طبق مناسب للتقديم،( ملحوظه ورق السمبوسة ممكن تحصلى عليه من أى سوبر ماركت كبير )  ، تقدم كوجبه خفيفه على الفطار أو وجبه سريعه وخفيفه على العشاء ، وممكن تقدم كطبق جانبى على الغداء،وبالهنا والشفاااا.

☆ثالثاً :- طريقه عمل السمبوسة فى الفرن :-

سمبوسة فى الفرن 


☆المقادير:-

>علبه من السمبوسة الجاهزه
>نص كيلو لحمه متعصجه
>جبنه موتزريلا
>زيتون مفروم ناعم

☆طريقه التحضير :- 

فى وعاء كبير هنخلط اللحمه المتعصجه( واللى سبق شرحها فى السابق فى وصفه الجلاش باللحمه المفرومه) مع الزيتون المفروم فرما ناعما، ثم نحضر ورق السمبوسة ونقوم بحشو كل ورقه من السمبوسة بالقليل من خليط اللحمه المفرومه والزيتون المفروم ونحط حبه بسيطه من الجبنه الموتزريلا، ثم تطبق جوانبها ونغلفها باصابعنا، ونكرر العمليه حتى تنفذ الكميه بالكامل ثم ندهنها السمبوسة من الأمام والخلف بفرشاه زيت ثم نضعها فى صنيه مدهونه سمنه أو زيت وندخلها الفرن على درجه حراره متوسطه حتى يحمر الوجه ثم نقوم بقلبها على الوجه الآخر حتى يتحمر ، وهكذا تكون جاهزه للتقديم، السمبوسة فى الفرن تعتبر وجبه خفيفه ومفهاش سعرات حراريه كتير ، وحلوه جدا للناس اللى بتعمل دايت وكمان للناس اللى بتتعب من كميه الزيوت الكتيروبالهنا والشفاااا.

-شاهد أيضاً :- طريقه عمل أشهى وصفات اللحوم. 

إرسال تعليق

0 تعليقات