طريقه عمل السمك البلطى (صنيه فى الفرن ، مشوى، مقلى )

صنيه سمك بلطى 

{ المقادير } :- 

☆1كيلو سمك بلطى
☆1حبه بطاطس كبيره متقطعه حلقات
☆2حبه طماطم كبيره متقطعه حلقات
☆1بصله كبيره الحجم متقطعه حلقات

{ للتتبيله } :- 

☆5 فصوص ثوم مفرومين
☆قبضه يد من الكزبرة الخضراء المفرومه
☆قرن فلفل حامى
☆6معالق زيت
☆ربع كوب عصير الليمون
☆معلقه كبيره ملح
☆معلقه صغيره كمون
☆2معلقه كبيره صلصه
☆رشه جوزه الطيب
☆1معلقه صغيره بابريكا

{ طريقه التحضير } :- 

فى وعاء كبيره هنخلط كل المكونات بتاعه التتبيله كويس جدا ، وبعدين هنزل فيها السمك ونتبله كويس من بره ومن جوه،  هنسيبه فى التتبيله ليله كامله أو لمده ساعتين على الاقل، هنقطع البطاطس والطماطم والبصل حلقات ونخلطهم فى التتبيله كويس جداً ، هنجيب صنيه فرن ونفرد فيها البطاطس بعدين الطماطم وبعدين البصل وبعدين السمك، وندخلها الفرن على درجه حراره متوسطه لمده نص ساعه أو لحين النضج،  تقدم مع الرز الأحمر (الرز بالطماطم ) والسلطه الخضراء وبالهنا والشفا.

☆ثانياً :-عمل سمك بلطى مشوى فى الفرن أو على الجريل :-

سمك بلطى مشوى 

{ المقادير } :- 

☆1/2كيلو سمك بلطى
☆2بصله متوسطه الحجم متقطعه
☆1حبه طماطم كبيره متقطعه
☆5فصوص ثوم كبار
☆معلقه صغيره صلصه طماطم
☆معلقه صغيره بابريكا
☆معلقه صغيره ملح
☆معلقه صغيره فلفل اسود
☆معلقه صغيره كزبره ناشفه
☆معلقه صغيره كارى
☆القليل من الماء

{ طريقه التحضير } :- 

هنغسل السمك ونضفه كويس، هنعمل شقوق سطحيه على السمك من الجانبين باستخدام سكين حاد عشان ندخل فيها التتبيله ،هنضع السمك جانباً، هنحط كل المكونات السابقه فى الخلاط وهنضربهم كويس ، هنجيب السمك ونتبله من بره ومن جوه، وهندخل التتبيله فى الشقوق ، هنترك السمك فى التتبيله ليله كامله أو لمده ساعتين على الاقل ، هنطلع السمك من التلاجه وندهنه بالزيت من الجانبين ، هنحطه فى الشوايه السلك وندخله الفرن تحت الشوايه مباشره،  هنشغل الشوايه ونسيب السمك لغايه مايتشوى من فوق وبعدين هنقلب الشوايه على الناحيه التانيه ونسيبه لغايه مايتشوى ويحمر،  هياخد 10 دقايق لكل ناحيه ،وممكن تشوى السمك على الجريل من فوق،  بعد مايتشوى السمك ويستوى كويس هنرش عصير الليمون على السمك من فوق وكمان رشه ملح،  هنقدمه مع الرز بالطماطم أو المكرونه والسلطه الخضراء وكمان سلطه الطحينه وبالهنا والشفا.

☆ثالثاً :- طريقه عمل سمك بلطى مقلى:-

طريقه سمك مقلى

{ المقادير } :-

☆كيلو سمك بلطى
☆معلقه كبيره ملح
☆5فصوص ثوم كبار
☆2 قرن فلفل حار خالى البذر
☆عصير ليمون
☆كزبره خضراء
☆كمون
☆فلفل اسود
☆شطه
☆دقيق مبهر ب(ملح وفلفل وكمون وتم بودر وبصل بودر )

{ طريقه التحضير } :- 

هنضف السمك ونغسله كويس هنعمل شقوق أو فتحات على سطح السمكه من الناحيتين هننقعه فى ميه وخل وملح لمده ساعه، وبعدين هنجيب الكبه هنحط فيها فصوص الثوم والفلفل الحار والكزبره الخضراء عصير الليمون والملح والكمون والشطه حسب الرغبه وهنفرمهم مع بعض كويس ، هنحط السمك فى التتبيله وندعكه بالتتبيله كويس أوى من بره ومن جوه وندخل التتبيله فى الشقوق وبعدين هنحط السمك فى الدقيق ونغلفه بالدقيق كويس جداً، هنزل السمك فى زيت غزير وساخن على درجه حراره متوسطه لغايه ما ياخد اللون الدهبى من الجهتين،  طلعيه من الزيت وحطيه على ورق التنشيف لامتصاص الزيت،  وبكده يكون جاهز للتقديم،معل يقدم بجانب الرز بالطماطم أو المكرونه بصوص الطماطم ، وسلطه الطحينه والسلطه الخضراء ،معلومه مهمه قومى بوضع نصف ليمونه فى زيت القليه للقضاء على ريحه الزفاره الناتجه عن السمك وبالهنا والشفا.

-شاهد أيضاً :- طريقه عمل السمك الفيليه بصلصه الطماطم والارز الأحمر


إرسال تعليق

0 تعليقات