طريقه عمل الفشار بنكهة (الجبنه الرومى، والخل ، الشطه والليمون ،الشيدر المتبله ، الفراخ، الكاتشب الحار، الكراميل )


طريقة عمل الفشار بنكهات مختلفة


☆أولاً :- طريقه عمل فشار بطعم الجبنه الرومى :-

*المقادير :- 

☆نص كوب ذره صفراء 
☆نص كوب جبنه رومى مبشوره
☆معلقه كبيره زيت
☆معلقه كبيره زبده
☆معلقه صغيره ملح

*طريقه التحضير :- 

فى وعاء كبير على النار هنحط الزيت ومعاه الزبده وحبوب الذرة الصفراء والملح، هنسيبهم على النار لغايه ما تتحول كل حبوب الذرة لفشار، هنجيب الجبنه الرومى المبشوره وهنحطها فوق الفشار وهو سخن وهنقلب الفشار كويس عشان يختلط بالجبنه الرومى كويس جدا ، هنحط الفشار بالجبنه الرومى فى وعاء مناسب للتقديم وبالهنا والشفاااا. 

☆ثانياً :- فشار بطعم الخل والملح :- 

*المقادير :- 

☆5 كوبايات فشار مستوى
☆2 معلقه كبيره خل 
☆1/4 كوب زبده 
☆ملح (حسب الرغبه)

*طريقه التحضير :- 

هنسيح الزبده مع الملح كويس قوى وبعدين ننزل بالخل ونقلب تقليبتين ،هنرفع الخليط من على النار ونوزعه فوق الفشار ونقلب الفشار كويس جداً عشان يتشرب من صوص الخل والملح، هنحط الفشار فى وعاء مناسب للتقديم وبالهنا والشفاااا. 

☆ثالثاً :- فشار بطعم الشطه والليمون :- 

*المقادير :- 

☆5 كوبايات فشار مستوى 
☆عصير2ليمونه
☆وبشر 2 ليمونه 
☆شطه حسب الرغبه 
☆ملح 
☆1/4 كوب زبده 

*طريقه التحضير :- 

هنسيح الزبده وهنحط عليها بشر الليمون ،خلوا بالكم ياجماعه بشر الليمون ضروري جدا لأنه هو اللى بيديكى طعم الليمون ، وكمان خلو بالكم وانتوا بتبشروا الليمون  تبشروا الطبقه الصفراء بس وتبعدوا عن الطبقه البيضاء اللى تحتيها عشان هى اللى بتدى طعم المراره  فاهمين، وبعدين هنحط الشطه وبعدين هنحط عصير الليمون ونقلب جميع المكونات مع بعض كويس،  هنحط الصوص على الفشار ونقلب جيدا عشان الفشار يختلط بصوص الشطه والليمون اللى إحنا عملناه،  وبعدين هنحط الفشار فى وعاء مناسب للتقديم وبالهنا والشفاااا. 

☆رابعاً :- فشار بطعم الجبنه الشيدر:-


*المقادير :- 

☆5 كوبايات فشار مستوى 
☆كوب جبنه شيدر 
☆نص كوب زبده 
☆نص معلقه صغيره ثوم بودر 
☆نص معلقه صغيره بصل بودر 
☆معلقه صغيره بابريكا 
☆ملح

*طريقه التحضير :- 

هنسيح الزبده وهنحط عليها الثوم البودر والبصل البودر والبابريكا والملح ونقلب كل المكونات دى مع بعض،  وبعدين هنحط الجبنه الشيدر ونقلب لغايه الجبنه الشيدر ماتذوب خالص،  هننزل بالفشار ونقلب الفشار مع الجبنه الشيدر المتبله لغايه ما يختلطوا مع بعض كويس،  هنحط الفشار بالجبنه الشيدر المتبله في وعاء مناسب للتقديم وبالهنا والشفاااا.

☆خامساً :- فشار بطعم الفراخ:-

*المقادير :- 

☆ 5 كوبايات كبار فشار مستوى
☆نص كوب زبده
☆2 مكعب مرقه دجاج

*طريقه التحضير :- 

هنسيح الزبده وبعدين هنفرك مكعبين مرقه الدجاج ونقلبهم مع بعض كويس، بعدين هنحط الفشار على مزيج المرقه والزبده ونقلبهم مع بعض كويس جداً،  وبعدين هنحط الفشار بطعم الفراخ فى طبق مناسب للتقديم وبالهنا والشفاااا.

☆سادساً :- فشار بطعم الكاتشب الحار :- 

*المقادير :- 

☆5 كوبايات فشار مستوى
☆نص كوب زبده
☆4معالق كبيره كاتشب حار
☆معلقه صغيره بابريكا

*طريقه التحضير :- 

هنسيح الزبده على النار بعدين هنضيف الكاتشب الحار والبابريكا،  هنقلبهم مع بعض كويس مع بعض وبعدين هنحط صوص الكاتشب فوق الفشار ونقلبهم مع بعض كويس لغايه مايمتزجوا مع بعض وبعدين هنحط الفشار فى وعاء مناسب للتقديم وبالهنا والشفاااا.    

☆سابعاً :- فشار بطعم الكراميل:-

*المقادير :- 

☆نص كوب ذره صفراء 
☆معلقه كبيره زيت
☆رشه ملح 

*مقادير الكراميل :- 

☆1/2كوب سكر
☆رشه فانيليا
☆معلقه كبيره زبده 

*طريقه التحضير :- 

فى وعاء كبير على النار هنحط حبوب الذرة مع الزيت ونقلبهم مع بعض،  هنسيبهم لغايه ما تتحول كل حبوب الذرة لفشار ، فى طاسه على النار هنحط السكر ونسيبه لغايه مايتكرمل هنقلبه تقلبتين وبعدين نحط الزبده ورشه الفانيليا ونقلبهم مع بعض،  بكده يكون الكراميل جاهز هنحط صوص الكراميل على الفشار ونقلبهم مع بعض كويس جدا،  هنحط الفشار بالكراميل فى وعاء مناسب للتقديم وبالهنا والشفاااا.

-شاهد أيضاً :- طريقة عمل مقرمشات الدوريتوس ومقرمشات المشروم.




إرسال تعليق

0 تعليقات