طريقه عمل (فطير محشو بالجبن الكريمى والقشطه ومغطى بالعسل الابيض وفطيره التفاح )

طريقه عمل (فطير محشو بالجبن الكريمى والقشطه ومغطى بالعسل الابيض وفطيره التفاح )

فطير محشو بالجبن الكريمى والقشطه 


-المقادير:-

☆كوب وربع ماء دافئ
☆نص كوب زبده سايحه
☆كوب حليب
☆1/2كوب سكر
☆كوب ونص دقيق
☆بيكنج بودر

*الحشو :- 

☆3معالق كبيره جبن كريمى
☆علبه قشطه

*للتزيين :-

☆عسل ابيض

-طريقه التحضير :- 

هنضع فى الخلاط الحليب  والسكر والزبده والماء وهنخلطهم مع بعض لغايه السكر مايدوب،وفى وعاء كبير هنخلط الدقيق بالبيكنج بودر وبعدين هنضيف إليه المكونات السايله وهنقلب جميع المكونات مع بعض بالمضرب اليدوى لغايه ما يبقى معانا خليط متجانس، هنجيب صنيه متوسطه الحجم وندهنها بالزيت وبعدين الدقيق وهننزل بالخليط، فى وعاء أخر هنخلط القشطه والجبن الكريمى معا وهنخلطهم كويس لغايه ما يبقى قوامهم متجانس، بعدين هنحطهم على على وش الصنيه ونحاول نفردها على الوش بالراحه بعدين هندخلها الفرن على درجه حراره 170 ولمده ربع ساعة أو لحين النضج،  هنخرجها من الفرن بتكون استوت وخليط الجبنه والقشطه بيبوظ منها وشكله سايح وجميل خالص، مننساش هنحط العسل الابيض على الوش، ولو مش حابه تضفيه عادى وبالهنا والشفا.

ثانياً :- طريقه عمل فطيره التفاح بالقرفة :-


فطيره التفاح بالقرفه

-المقادير :- 

*للعجينه :- 

☆2كوب ونص دقيق
☆200جرام زبده
☆بيضه مخفوقه
☆فانيليا
☆ 3معالق كبيره سكر
☆رشه ملح
☆كوب ماء مثلج للعجن

*للحشو:-

☆4تفاحات متقطعين مكعبات صغيره
☆نص كوب سكر
☆معلقه كبيره نشأ
☆1/2كوب سكر
☆1/2 ليمونه
☆معلقه كبيره زبده
☆معلقه صغيره قرفه

-طريقه التحضير :- 

فى وعاء كبير هنخلط الدقيق بالسكر والملح والفانيليا والزبده بعدين هنخلطهم مع بعض، هنحاول نبس الزبده مع الدقيق بحيث يتمزجوا مع بعض بعدين هنضيف البيضه ونخلطهم مع الدقيق والزبده كويس، هنضيف الماء المثلج تدريجياً مع الاستمرار فى العجن لغايه ما تتجانس المكونات مع بعض،  هنلاقى العجينه بتلزق فى أيدينا، هنروح نلم العجينه بالدقيق ونكورها ،وبعدين نقسمها لقسمين،  جزء صغير بيشكل تلت العجينه وجزء كبير وده بيشكل ثلثين العجينه ، وبعدين هنحط العجينه فى الثلاجه لمده ربع ساعه، هنحضر الحشو فى طاسه على النار هنسيح الزبده وبعدين هنحط قطع التفاح والقرفه والسكر والليمون وربع كوب ماء ونسيبهم 10 دقايق لغايه ما يدبل التفاح وبعدين هندوب النشا فى معلقتين كبار ماء عشان النشا  ماتكتلش وبعدين هنحط النشا على التفاح وهنحرك هناخد مقدار معلقه كبيره من صوص التفاح والقرفه عشان نزين بيه فطيره التفاح بعد ما تطلع من الفرن، هنرفع التفاح من على النار، هنجيب العجين وهنفرد الجزء الكبير بالنشابه وهنفرده فى الصنيه وتكون مقاس 28 وبعدين هننزل بخليط التفاح ونفرده على العجينه وبعدين نجيب الجزء الصغير من العجينه ونفرده بالنشابه ونقطعه لشرايط طويله ، هنفرد الشريط اللى عملناها من العجين فوق خليط التفاح، هنفرد كام واحد بالطول وبعدين هنحط فوقيهم كام شريط بالعرض، هندخلها الفرن على درجه حراره 180 لمده 20 ل 30 دقيقه ، هنسيبها تبرد وبعدين هنجيب معلقه صوص التفاح والقرفه ونحلها بمعلقه ماء أو ملعقه لبن وندهن بيها الوش بإستخدام الفرشاه ، لو نفذتوا الخطوات كلها بدقه هتاكلوا أحلى كيكه تفاح انتى وكل افراد اسرتك هتحبوا وهيطلبوها منك على طول وبالهنا والشفا.

شاهد أيضاً : - طريقه عمل ألبان كيك وكيكه الشيكولاته بالأيس كريم 

إرسال تعليق

0 تعليقات