طريقه عمل كيكه الشوفان للدايت ومرضى السكر ،كيكه النشا بصوص البرتقال،كيكه الموز بالشيكولاته


طريقة عمل كيكه الشوفان للدايت ومرضى السكر

كيكه الشوفان 

المقادير:-

☆2كوب شوفان مطحون
☆3/4كوب لبن
☆3بيضات
☆1/2 كوب سكر
☆1/2كوب سمن أو زبده
☆بيكنج بودر
☆فانيليا
☆رشه ملح

طريقه التحضير :- 

هنضرب فى الخلاط اللبن والبيض والفانيليا والسمن والسكر كويس جدا، فى وعاء كبير هنخلط الشوفان مع البيكنج بودر ورشه الملح ونقلبهم مع بعض كويس قوى، وبعدين هنضيف عليهم المكونات السايله ونقلبهم كل ده مع بعضه بالمضرب اليدوى، هنجيب صنيه وندهنها سمن أو زبده ونرش عليها شويه دقيق، هنحط خليط الكيك فى الصنيه وندخلها فرن محمى  على درجه حراره 180 لمده 20 ل 30 دقيقه، هنختبرها بخله الاسنان أو بطرف سكينه رفيعه وبعدين نطلعها من الفرن ونسيبها لغايه ما تبرد تماماً وبعدين نقلبها ونقدمها وبالهنا والشفا.

ثانياً :- عمل كيكه النشا بطريقه سهله وبسيطه :- 


المقادير :- 

☆4بيضات
☆كوب سكر
☆كوب زيت
☆2كوب نشا
☆بشر برتقالة
☆معلقه صغيره فانيليا
☆معلقه كبيره بيكنج بودر
-مقاديرصوص البرتقال :-
☆2 صفار بيضه
☆كوب عصير برتقال
☆كوب كريمه خفق سائلة
☆1/2كوب سكر
☆3معالق عسل أبيض
☆معلقه صغيره فانيليا
☆بشر برتقالة
☆معلقه كبيره مسموحة نشأ

طريقه التحضير :- 

هنضرب فى الخلاط البيض مع السكر والفانيليا وبشر البرتقال لغايه مايتقل قوام البيض ويبقى هش ،بعدين هنحط الزيت ونخفق لمده دقيقه كامله وبعدين هنضيف المكونات السايله لخليط الدقيق والبيكنج بودر ونقلبهم مع بعض لمده خمس دقائق بإستخدام المضرب اليدوى، هنجيب صنيه مدهونه سمن أو زبده ومرشوش عليه الدقيق وبعدين ندخلها الفرن محمى على درجه حراره 180 درجه مئوية لمده من 50 ل 55 دقيقه ، فى هذه الأثناء هنحضر صوص البرتقال هنخلط كل مقادير صوص البرتقال ونقلبهم مع بعض كويس قوى على البارد وبعدين هنحطهم على النار لمده 10 دقايق مع الاستمرار فى التقليب حتي يثقل قوام الصوص، هنرفع الصوص من على النار وهنسيبه يبرد تماماً، هنطلع الكيكة من الفرن بعد ما نختبرها بخله الأسنان أو بطرف سكينه رفيعه ،هنطلعها و نحط عليها من صوص البرتقال وممكن بعد ما نقطعها نضيف عليها مره تانى من صوص البرتقال وبالهنا والشفاااا.

ثالثاً :- عمل كيكه الموز بصوص الشيكولاته :- 

طريقة عمل كيكه الموز بصوص الشيكولاته

كيكه الموز

المقادير :- 

☆3ثمرات موز كبار مهروسين
☆كوب سكر
☆كوب وربع دقيق
☆نص كوب لبن
☆نص كوب زيت
☆ربع كوب كاكاو خام
☆2 بيضه
☆بيكنج بودر
☆معلقه كبيره عصير ليمون
☆فانيليا
☆رشه ملح

طريقة التحضير:-

هنضرب فى الخلاط البيض والسكر والفانيليا ورشه الملح لمده خمس دقائق، وبعدين هنحط الزيت واللبن والموز وعصير الليمون ونستمر فى الخفق، فى وعاء كبير هنخلط المكونات الجافه وهى الدقيق والكاكاو والبيكنج بودر ونقلبهم مع بعض كويس جدا وبعدين هنضيف عليهم المكونات السايله ونخلط جميع المكونات مع بعض كويس بواسطه المضرب اليدوى، هنجيب صنيه فرن وندهنها سمن أو زبده وعليها رشه دقيق وبعدين هنزل فيها خليط الكيك وندخلها فرن محمى على درجه حراره 180 درجه مئوية لمده 20 ل 30 دقيقه أو حتى تمام النضج، هنختبر الكيكه بواسطه خله أسنان أو طرف سكينه رفيع وبعدين نطلعها من الفرن ونسيبها لغايه ما تبرد تماماً وبعدين نقلبها ونقدمها، ممكن نزينها بصوص الشيكولاته وقطع الموز وبالهنا والشفا.

-شاهد أيضاً : طريقه عمل بسكويت الشوفان بمبروش جوز الهند 





إرسال تعليق

0 تعليقات